DISKURSU HUSI DIRETÓR ESKOLA
Obrigado ba Santissima Trindade Nia Protesaun ba ita, no Obrigado ba Xefi Departementu ICT husi SECOMS ho nia Ekipa
Ba dahuluk hakarak deseza nia apresiasaun ba ekipa Media SECOMS ho departementU ICT ne'eb'é disponivel too mai iha ami nia Eskola hodi apoiu no kria plataforma website eskola no Jornál Parede Dijitál. Ami sente orgullu tomba pela primeira vez ami nia Eskola iha oportunidade hodi hetan apoiu direta 'hosi Media SECOMS ho departementu ICT. Ami kompromete katak ami nia Estudante sira sei aproveita diak hodi aprende no esplora kuñesimentu no kreatividade hodi dezenvolve sira nia matenek liu husi plataforma website ne'ebé estabelese ona.
Ita hotu rekuñese katak Nasaun RDTL nudar nasaun Joven, no foin kompleta nia idade tinan 23 nudar nasaun soberana, independente no konsege tama ona iha era globalizasaun mundial no dijitalizadu. Estudante iha nivel Baziku Ensinu Sekundáriu Jeral no Tekniku Vokacional iha kuñesimentu no abilidade ba área teknolojia Avansadu, Liu-Liu iha era dijital tempu agora. Koalia kona-ba teknolojia dijital ne'ebé dinamiku tebes no ne'ebé avansadu loron ba loron ho progresu no plataforma sira Oi-oin hanesan google, facebook, whatsapp, instagram, e-mail no seluk-seluk. Ho plataforma sira ne'e ajuda tebes ita nia atividade lor-loron ho vantajen bo'ot ba estudante sira bele aprende buat barak husi internet ho google no youtube.
Plataforma website eskola no jornal parede dijital nudar pasu importante ba estudante sira atu kadi matenek no kreatividade para fornese informasaun liu husi hakerek narasi tuir ida-idak nia talentu no simu informasaun ho fasil no lalais. Plataforma website eskola importante no fundamental tebes tamba bele sai hanesan fonte principal ba estudante nomós ba inan-aman no sociedade atu akomapña informasaun neʼebé adekuadu ligadu ho progresu estudu no prosesu aprendizajen estudante sira iha eskola. Website eskola mós iha funsaun importante oinsa atu transmite informasaun ho adekuadu liga ba profil edukasaun no profil interna eskola inklui atividade relevante ne'ebé eskola trasa liu husi estratejia atividade periodikal no anual.
Razaun saida mak estudante sira hakarak eskola iha Ensinu Sekundária Jerál Nino Konis Santana Lospalos?
Reputasaun Eskola
Reputasaun diak eskola Ensinu Sekundária Jerál Nino Konis Santana Lospalos nu'udar razaun prinsipál ida ne'ebé enkoraja estudante sira hili nu'udar eskola favoritu.
Ambiente Aprendizajen ne'ebé Di'ak
Ambiente aprendizajen ne'ebé di'ak maka razaun seluk ne'ebé enkoraja estudante sira tama iha eskola Ensinu Sekundária Jerál Nino Konis Santana Lospalos. Aleinde reputasaun di’ak disponivel profesór/a kompetente bele halo estudante sira sériu atu estuda, nune’e bele kria atmosfera aprendizajen ne’ebé di’ak liu.
Fasilidade sira ne'ebé kompletu
Ensinu Sekundária Jerál Nino Konis Santana Lospalos iha fasilidade sira ne'ebé kompletu, hanesan laboratóriu sira, biblioteka, sala-de-aula sira ne'ebé konfortavel, no fasilidade sira desportu nian ne'ebé adekuadu. Fasilidade kompletu bele ajuda estudante sira aprende no dezenvolve ho optimu.
Kurríkulu Ne'ebé Di'ak
Iha Ensinu Sekundária Jerál Nino Konis Santana Lospalos disponivel Kurríkulu ne'ebé di'ak no atualizadu, ne'ebé bele ajuda estudante sira iha preparasaun ba futuru. Kurríkulu ida ne'ebé di'ak bele garante katak estudante sira hetan koñesimentu no abilidade sira ne'ebé presiza atu kontinua edukasaun ka prepara sira-nia an ba kareira ida ih área ne'ebé sira hakarak. kurríkulu ne'ebé di'ak bele mós ajuda estudante sira atu komprende di'ak liután matéria, no mós fó hanoin ne'ebé luan ba área siénsia nian. Ida-ne'e bele ajuda estudante sira hodi hili área ida ne'ebé maka tuir sira nia interese no talentu, no mós prepara sira-nia an ba futuru ida ne'ebé di'ak liu.
Papél Estudante Iha Era Mídia Modernu
Jornál Parede Dijitál nu’udár plataforma media komunikasaun ho formatu dijitál, programa ne’e inklui introdusaun jornalizmu báziku iha eskola sira, enkoraja prátika hakerek, lee no kriasaun konteúdu dijitál hosi estudante sira. Jornál Parede Dijitál bele utilizadu atu hato’o informasaun ka notisiás, anúnsiu, no konteúdu relasiona ho atividades eskola.
Informasaun Eskola
Atualiza informasaun kona-ba notísia, avizu, eventu no atividades tomak husi Ensinu Sekundária Jerál Nino Konis Santana Lospalos.
Boletin Informativu
Subskreve atu simu notifikasaun kona-ba informasaun ka notisiás, anúnsiu, no konteúdu sira ne'ebe relasiona ho atividades Ensinu Sekundária Jerál Nino Konis Santana Lospalos.
Thanks for subscribing! Please check your email for further instructions.
