Lospalos, 7 de novembro de 2025
Escola Secundária Geral Nino Konis Santana Lospalos, iha loron sexta-feira, dia 7 de novembro de 2025, hetan vizita husi Ekipa Ensino Superior nian, lideradu husi Sr. Gaspar de Sousa ho nia ekipa, mai halo sosializasan ba estudantes sira 11o ano CT no CSH, atu prepara-an para tinan rua oin mai 2027, UNTL sei loke liras mai iha Municipio Lautém.
Estudu viabilidade kona ba atu loke Turismu, Otelaria no Jestaun Viajen ne’e, hala’o ona desde tinan kotuk, maibe foin mak atu realiza tamba mudansa iha dezenhu. Tan ne’e mak foin mak halo fali estudu viabilidade hodi husu estudantes sira nia opiniaun, atu sira mos hola parte iha prosesu ida ne’e.
Nune’e tinan oin sira ne’ebe sai finalista ba Ano Escolar 2026, mak sei bele rezistu ba estudu iha universidade ho nia departementu refere. Tan ne’e sira mai fahe kuestionariu ba estudantes sira atu sira bele hili no mos fo sira nia opiniaun, kona ba Sosializasaun no Pesquiza ba programa estudu refere. Tenik representante Ensino Superior Muncipio Lautém Sr. Marlito do Carmo Santos.
Objetivu husi pesquiza hodi fahe kestionariu ba representante estudante sira na’in 30 ne’e atu bele dezenvolve hodi hetan opiniaun no espetativa husi estudantes potensial sira, liga ba estabelesimentu programa estudu Turizmu, Otelaria no Jestaun Viajen. Informasaun sira ne’e mak bele fasilita Ministériu Ensinu Superior, Siensia no Kultura hodi dezeña programa no kurrikulu ba area indústria turizmu ne’ebé kontestualiza duni ho nesesidade públiku sira iha nasaun Timor Leste.
Tamba ne’e husu ba estudantes sira ne’ebe hakarak tama ba programa estudu refere, tinan oin 2026 prepara-an hodi rejistu nune’e iha tinan 2027, provisoriamente sei realiza estudu refere iha ESG NKS Lospalos, hodi hein konstrusaun foun iha Municipio Lautém finaliza mak foin bele transfere fali ba ne’eba.
Eskritor: prof. EdoSantos’25
