Iha loron segunda-feira, dia 10 de novembro de 2025, iha Salaun Enkontru Eskola Sekundária Geral Nino Santana de Lospalos, Gabinete Diretiva relata no apresenta Konsensoens Eskolar segunda fase husi fulan julho to’o novembro ba Ano Eskolar-2025, ba Konselu Professores.
Orsamentu ida ne’e ho nia montante U$13.300 dolares amerikanu, Gabinete Diretiva simu iha Banku Nacional Comercio de Timor Leste (BNCTL) iha loron 6 fulan novembro tinan 2025. Montante U$13.300 dolares nia kontajen mak 1330 estudantes x U2$ x 5 meses.
Osan ida ne’e ita uza atu hadia plafon multimedia nian, no sala de aula 10o CT nian ne’ebe naksobu ona. Nia restu U$6.000 ital sei hola ATK eskola nian, no atende ba nesesidade atividade exame Segundo no Terceiru periodo nian.
Osan konsensoens lolos ne’e tama iha fulan outubro, no ita bele foti iha fulan ne’eba, maibe tamba ita sei hein CPV sai mak ita foti. Tan ne’e CPV foin dadauk iha fulan novembro ne’e mak sai, no sira manda liu husi WA mai mak foin ita foti agora.
Iha fatin seluk presidente KIAR, Sr.Paulo de Sousa (PNTL), hato’o ninia pensamentu balun relasiona ho konsensoens escolar ida ne’e katak, desde mandatu Sr.Énio Amaral Lopes ho nia gabinete, mak ita hare iha transparansia, tan ne’e husu para atu jere tuir manual no referensia legal ne’ebe iha.
Tamba ita serbisu tuir assuntu tolu mak: “sistema, prosedimentu legal no hierarquia”. Se ita serbisu tuir asuntu tolu ne’e mak ita sei la kona buat ida, durante ita nia mandatu serbisu.
Reserva balun mos ba halo manutensaun hodi pinta lutu nebe haleu eskola ida ne’e, tamba nia mak fo seguransa mai ita professores no estudantes ne’ebe hala’o atividade aprendizagem iha ne’e.
Ikus liu, se auditoria mai karik buat hotu la’o tuir loos ona, tuir lei no prosedimentu legal ne’ebe iha, tenik presidente KIAR.
Hafoin apresentasaun konsensoens escolar nian, sei iha mos assuntu balun husi professores sira ne’ebe relata assuntos sira kona ba: website eskola nian atu publika notisia balun iha neba, grupo ida husi Dili mai atu pinta fali kampu basket, DIT sei ajuda ita halo tenda no balkaun, presiza kria tan haris fatin ba estudantes sira, tamba ita nia estudantes número boot, nsst…
Eskritor: Ekipa Média JPD NKS Lospalos
