Despedida Estajiariu Pedagojiku UNTL nain Lima iha ESG NKS Lospalos

Lospalos, 11 Dezembro 2025

Estajiarius Pedagojiku AE-2025 nain lima husi UNTL, feto nain 3 mane nain 2 hala’o estajiariu iha ESG NKS Lospalos, durante fulan 6. Sira nain lima ne’e husi Departemento Fisica, Biologia, Inglês no Português.

Durante fulan neen iha ESG NKS Lospalos, ajuda mestre sira iha materia refere hodi hanorin estudantes sira, iha 10^o ano no 11^o ano, no vijilante iha segundo no terseiru periodu, no mos iha Exame Nacional no Local.

Representante Estajiarius Pedagojiku fo agradece ba mestre sira no eskola tamba fo ona tempu, fatin no oportunidade atu hala’o pratika pedagojia ba sira nia materia ida-idak, tuir orientador sira nebe fo ona husi UNTL. Iha fatin hanesan sira oferese figura Mahein Eskola Nino Konis Santana ba ESG NKS Lospalos, nu’udar rekordasaun ida ba eskola. No mos husu deskulpa ba mestre kooperante sira, estudantes sira no mestre sira em jeralmente.

Representante professor Kooperante disciplina Fisica Mr.Francisco mos hato’o agradece wain ba estajiarius sira nebe mai ona fahe sira nia matenek ba estudantes sira iha ne’e. Husu mos deskulpa husi parte koperante no estudante sira ne’ebe ladun kolabora ba sira.

Iha fatin hanesan, Adjunto Diretor da Eskola Mr.Tomas da Costa, hato’o mos agradece wain ba sira, tamba eskola simu sira husi SME Lautém iha dia 3 de julho 2025. Ita marka tan istoria foun ida eskola ida ne’e, hamutuk ho professores sira ita koopera hamutuk nune’e estajiu pedagojiku ida ne’e bele realiza iha ita nia eskola. Estajiu pedagojiku kuase fulan 6, sira mai fahe sira nia matenek, buat nebe sira hetan iha universidade hodi mai fakar ba estudantes atu sira bele uza sai matenek nune’e bele serbi rai ida ne’e ho diak iha futuru oin mai.

Eskola mos fo rekoinesimentu ba sira hodi fo sertifikadu ba sira, nu’udar agradecimentu ba sira ne’ebe durante ne’e mai ajuda mestre sira hodi hala’o estajiu pedagojiku, hodi fahe matenek ba estudantes sira iha ne’e. Husu mos deskulpa karik durante ne’e hahalok ruma ne’ebe soke sira nia fuan, eskola husu deskulpa.   

Hafoin de halo diskursu hotu, estajiru sira tara tais ba professor koperante sira, nune’e mos eskola entrega sertifikadu ba sira. Ikus mai kua keek, loke sampañe, no han meudia, no hasai foto hamutuk hodi taka despedida estajiariu pedagojiku Ano Eskolar 2025 ida ne’e.

By prof. EdoSantos’25