Iha loron sexta-feira, 6 marsu 2026, Komisaun Organizadora ba Dias Natalis (Aniversariu) ESG NKS Lospalos ba dala 23, ne’ebe sei realiza iha loron 11 marsu 2026, hala’o briefing hamutuk ho Konselu Professores no funsionarius ESG NKS Lospalos, iha salaun professores.
Iha biban ne’e Diretor da Escola (Sr.Énio Amaral Lopes) nu’udar lider eskola ida ne’e nian hato’o ninia intervensaun katak, Dias Natalis ESG NKS Lospalos ba tinan ida ne’e sei hala’o simplesmente iha ita nia arredor da eskola. Maibe antes ne’e iha dia 7 marsu 2026, ita sei hala’o misa agradesimentu hamutuk ho Retiru/Rekoleksi iha Igreja S.Paulo Lospalos. Tan ne’e husu ba funsionarius, professores no estudantes sira hotu atu bele tuir retiru no missa agradesimentu refere.
Hafoin tuir mai entrega ba vise Komisaun Organizadora Mr.Carlito da Costa, hodi lidera briefing ida ne’e. Tan ne’e husu ba Konselu Professores no Funsionarius sira hotu, atu halo kontribuisaun, tamba festa nee ita hotu nian, kada funsionariu ou professor U$5.00; no wainhira entrega hotu karik orsamentu nia montante U$340,00. No mos husi Diretor Jose Pires (eis professor) kontribui U$20,00. Ba estudantes sira halibur ona fundus U$1.145,00. Tan ne’e fundus nebe atu atende ba Dias Natalis ne’ebe mai husi fatin tolu, Konselu Professores, Diretor SAS, no Estudantes hamutuk U$1.505,00 dolares amerikanu.
Fundus ida ne’e mak sei suporta atividade sira hanesan; missa agradesimentu, konsumu, seminariu, no desportu. Kada atividade hirak ne’e sei responsabiliza husi Komisaun Organizadora ho nia estrutura sira. Presidente Mr.Pedro da Costa, Vice Mr.Carlito da Costa, Tesoreira Profa Maria, Konsumu Mr.Filipe hamutuk ho diretores da turma no Xefe da Turma sira; Desporto Mr.Tobias, Jacinto no Abel; Liturgia Profas (Agustina, Terezinha, nsst…), Divertimento Mr.Grilo, Dekorasaun Mr.Filipe hamutuk ho profa sira, Dokumentasaun Mr.Emiliano, Seguransa Sr.Agustinho hamutuk ho PNTL.
Tan ne’e segunda-feira depois de isar bandeira iha arredor eskola, sei kontinua ho atividade preparasaun Komisaun Organizadora nian ba festa Dias Natalis ESG NKS Lospalos nian, nebe sei realiza iha dia 11 de marsu 2026, ho reflexaun no jogos desportivas iha arredor eskola, durante loron rua nia laran (tersa no kuarta-feira). Reflexaun sei fo husi Amo salesiano sira, no jogos desportivas (jogu amizade) entre nivel ESG sira iha vila laran.
By EdoSantos’26
