Iha loron segunda-feira, 9 marsu 2026, Konselu Professores, hamutuk ho estudantes sira husi 10o ano to’o 12o ano, realiza Isar Bandeira fulan Marsu nian, iha arredor ESG NKS Lospalos.
Isar Bandeira ne’e responsabiliza husi 12o ano CSH turma A no 10o ano CSH turma B, no sai Inspetur da Serimonia mak Diretor da Escola (Sr.Énio Amaral Lopes).
Iha biban ne’e Diretor da Escola (Sr.Énio Amaral Lopes), hato’o ninia diskursu katak, exame primeiru periodo besik ona, sa maneira mak ita bele uza no sa maneira mak ita bele tau iha kakutak ba iha exame primeiro periodu. Buat nebe importante mak imi tenke estuda, nudar estudante imi nia servisu prinsipal mak estuda atu prepara-an hasoru exame no ba futuru. Tamba exame besik ona iha dia 6 de Abril 2026 depois de paskoa, imi ida-idak hatene-an saida mak hau bele halo hasoru exame primeiro periodu. Tamba ida ne’e mak imi nia preparasaun no prezensa iha eskola ne’e importante atu tuir materia hirak ne’ebe imi nia professor sira ba imi fo tuir orientasaun.
Pontu segundu nia foka liu ba situasaun nebe mosu iha ita nia eskola ne’e, mak atitude estudante balun ne’ebe halo, hodi hamonu eskola ida ne’e nia naran, mahein eskola ida ne’ebe nia naran bo’ot mak komandante Nino Konis Santana. Hahalok ida seidauk hotu mosu tan hahalok ida grave liu tan. Hahalok ida ne’e mosu depois de viral iha Media Sosial, direitamente husi diresaun Nasional telefone kedas hau.
Kuandu ita nia bo’ot sira husi Ministério Edukasaun telefone hau ne’e indika atitude ida ne’ebe ladiak, ne’e katak ita nia konsensia ba ita nia eskola ida ne’e, oinsa eskola ida ne’e hakmatek hanoin ida hanesan ne’e mihis ona karik. Depois de viral iha Media Sosial akontese tan iha eskola maibe ida ne’e resolve tiha ona. Nia salienta tan.
Depois de resolve tiha, akontesimentu seluk mosu tan iha media sosial, liu-liu ba mane sira nebe halo agresaun fisiku, iha kampu 28 novembro (eis 745), depois de viral iha media sosial sabado kalan tuku 10 husi parte Ministerio Edukasaun direitamente telefone kedas hau. Tamba momentu ne’eba akontesimentu hau seidauk apar didiak hau fo informasaun jeral deit.
Depois de ita hein investigasaun profunda husi ita nia parte siguransa polisia nian. Wainhira parte siguransa identifika tiha ona autores prinsipais katak, imi nia fatin la’os iha eskola ida ne’e, diak liu imi deskansa hakmatek iha uma, hanoin fila fali imi nia hahalok ne’e, tamba hetan atensaun maka’as husi autoridade lokal no nasional.
Depois de Isar Bandeira hotu hau sei entrega ba divisaun alunos atu identifika didiak atu bele hatene se mak komete krime ida ne’e iha eskola bele hasai, baseia ba regulamentu eskola nian no ba Lei Juridika nian, nebe Ministerio Edukasaun fo sai.
Fo atensaun ba Aluno ou estudante ida ne’ebe la lao tuir ona Regra Interna Eskola nian nebe grave liu, eskola bele hapara sem Karta Transferensia, liu-liu ba estudante sira husi 10o ano to’o 12o ano. Espesialmente ba 12o ano, ne’ebe besik ona Exame Nasional, maibe wainhira imi nia hahalok ka attitude la diak ou grave ona, eskola sei entrega fali imi ba imi nia Inan Aman sira.
Tan ne’e husu ba estudante 10o ano to’o 12o ano ami nu’udar professor sempre aproxima bebeik ba imi. Ami kolia bebeik buat ne’ebe diak ba imi nia futuru. Ida ne’e mak ami nia kna’ar, imposivel ami tuir imi ida-idak to’o iha uma ne’e mak lae. Tamba akontesimentu ne’e akontese depois de atividade eskola ne’e hotu.
Informasaun terseiru mak oinsa ita uza nia sentina, wanhira imi uza hotu tiha tenki rega. Imi kakutak no hahalok ema nian ne’e tau ba pratika ho responsablidade.
Depois de isar de bandeira ne’e hotu kada director da turma identifika ninia estudantes sira liu husi Lista Presenza, ohin se mak tuir isar bandeira no se mak la tuir, atu ita bele hatene. Informasauan nebe ohin hau hato’o ba imi katak, eskola ne’e ema hotu nian, la’os ema ida nian, asegura nia naran, liu-liu ita nia mahein saudoso Nino Konis Santana. Nia salienta tan.
Informasaun adisional nebe ligadu ba atividade dia 11 marsu 2026, kuarta-feira nian ne’e, depois de isar bandeira hotu sei entrega ba divizaun alunus atu bele hato’o ninia informasaun no hala’o imi nia atividade desportiva ne’e. Nia akresenta tan.
Tan ne’e atividade isar bandeira ne’e termina, parte divisaun alunus bolu estudantes sira nebe komete krime hodi entrega-an voluntariamente, hodi halo sira nia karta xamada ba nia inan aman, atu bele mai iha eskola hodi resolve problema refere, tamba hafoer ona eskola nia naran iha publiku (media sosial).
Ikus liu parte divizaun desportivu hala’o sira nia atividade hodi halo kompetisaun entre turma sira, hodi harame festa Dias Natalis ESG NKS Lospalos, ne’ebe sei monu iha dia 11 de marsu 2026.
by Prof.EdoSantos’26
