Segunda-feira, 12 janeiro 2026, Diretor Ensino Secundário Geral Nino Konis Santana Lospalos, hamutuk ho Ekipa PNTL halo abertura Orientasaun ba Estudantes foun Ano Escolar 2026, ho Içar Bandeira.
Maski iha udan laran, maibe atividade ida ne’e realiza nafatin husi estudantes sira 12o ano CT, ne’ebé hasa’e bandeira iha resintu/aredor ESG NKS Lospalos, akompanha ho Hino Nacional husi Youtube. Enkuantu Estudantes no Professores sira akompanha iha varanda office no sala de aula sira. Hafoin isar bandeira, kontinua kedas ho abertura iha Salaun Enkontru ESG NKS Lospalos.
Iha nia intervensaun Diretor ESG NKS Lospalos, Sr.Enio Amaral Lopes, realsa katak, atividade ne’e realiza hahu ohin dia 12 de janeiro no termina iha dia 16 de janeiro 2026, ho durasaun loron lima. Orientasaun ida ne’e ho objetivu prinsipal atu hatene situasaun no kondisaun Ensino Secundário Geral, tamba iha diferensa entre EBC e ESG. Tan ne’e mak imi presiza liu husi faze ida naran orientasaun ka atividade prasa.
Atividade ne’e importante, nune’e imi nia orientadores sei orienta imi, tuir sirkular orientasaun husi Ministeriu Edukasaun. Iha tinan 2 ka 3 liu ba ne’e, atividade orientasaun halai liu ba fisiku. Maibe tinan ida ne’e ita halai liu ba forma karakter, atu imi bele adapta, tama ba iha kondisaun, situasaun Ensino Secundário Geral. Tenik tan.
Alein ida ne’e, imi nia orientador mos sei orienta imi, atu imi bele hatene no koinese ambiente eskola Secundária Geral Nino Konis Santana. Atu nune’e depois de atividade orientasaun ne’e hotu, pelu menus adaptasaun ba situasaun no kondisaun, karakter ESG NKS Lospalos bele la’o ho diak.Tenik tan.
Atividade sira ne’e mak imi hanesan: informasaun kona ba lei transitu no kodigu Estrada nia, husi komandante transitu ho nia membros sira. Alein ida ne’e, iha mos atividade ordem unida nebe responsabiliza husi PNTL, ho nia orario ne’e kompletu tiha ona. Husi eskola sei fo koinesimentu kona ba Valorizasaun husi Examinador nian, kurrikulu, nsst.Tenik tan.
Tan ne’e atividades husi loron dahuluk to’o loron ikus, hotu-hotu importante, tan ne’e husu ba kandidatus sira atu kapta didiak iha apontamentu, tau iha iha kakutak, hodi aplika iha pratika. Liu-liu lei transitu ne’e importante. Tan ne’e imi tenki atensaun para orsida husu fila fali karik bele hatan ho diak, liu husi kaptasaun kona ba lei transitu ninian.Tenik tan.
Ikus liu husu ba orientadores, atu akompanha didiak imi nia alin sira (kandidatus 10o ano), haré sira nia karakter, orienta tuir sirkular (ME-Ministeri u Eduksaun) nian nebe loron 2 ka 3 liu ba hau fo ona ba orientadores, katak: labele baku, bele siak atu sira bele iha mentalidade. Tenik tan.
Tan ne’e korelasaun entre kandidatus ho orientadores ne’e importante liu, imi kolabora malu, buat nebe imi la hatene sai pergunta tenki husu ba imi nia orientadores, bele mos imi husu direta ba parte divisaun, atu nune’e fo informasaun klaru ba imi. Nia salienta tan.
Husi parte PNTL, Seksaun Transitu Munisipiu Lautém (Sr. Olandino Ribeiro), fo sosializasaun kona ba lei transitu no kodigu de estrada nian ba kandidatus 10o. Dekretu Lei no.6/2006, 3 de abril, transitu rodoviaru, lei ne’e kontrola movimentasaun ema la’o, kareta no motor ho ema ne’ebe konduz kareta motor no tumtum.
Kontrola ema la’o (ba estudantes sira), wainhira sai husi uma ba eskola liu husi Estrada publiku la’o husi parte karuk. Pois hakarak korta Estrada tenki hateke ba mai kareta motor laiha mak foin bele hakat ba. Iha sidade Dili, la’o liu husi zebra cross tamba kareta motor barak.
Ba ema sira nebe konduz kareta no motor, iha lei hatete katak, feto ka mane labarik ho idade 17 anos to’o 65 anos, maibe tenki iha karta kondusaun. Liu tiha idade 65 anos lei bandu labele lori kareta, tamba kondisaun fraku, menus husi 17 anos mos labele lori ka konduz kareta no motor, tamba idade sei kiik.
Ema nebe atu lori kareta ka motor tenki hetan autorizasaun husi diresaun terrestre (DNTT-Diresaun Nasional Transporte Terrestre). Tenki liu husi formasaun ida teori no pratika. Hetan formasaun kona ba sinais transitus mak foin bele hetan SIM ka Karta Kondusaun.
Karta kondusaun ne’e iha modelu oin ha’at (4) mak hanesan: A (A1, A2), B (B1, B2), C (C1, C2), no D.
- Karta Kondusaun A1, bele lori motorizada ho medida kiik (meo), be street, scoppy.
- Karta Kondusaun A2, bele lori motorizada medida bo’ot hanesan verza, megapro, GMX, KLX.
- Karta Kondusaun B1, bele lori kareta modelo prado, hilux
- Karta Kondusaun B2, bele lori kareta angguna,
- Karta Kondusaun C1, bele lori kareta trek privadu tula pasageirus
- Karta Kondusaun C2, bele lori kareta kamioneta roda 10 ba leten no bis.
- Karta Kondusaun D, bele lori traktor fila rai.
Artigus ho nia koimas:
- Ema nebe konduz motorizada la uza kapaseti, kontra kodigu Estrada artigu 76, sei multa 30$
- Ema nebe monta kanu resin. kontra kodigu Estrada artigu 74, sei multa 120$
- Ema nebe konduz kareta ka motor ho kondisaun lanu, kontra kodigu Estrada artigu 75, sei multa multa 60$
- Ema nebe konduz kareta ka motor la lori dokumentus, kontra kodigu Estrada artigu 79, sei multa 25$
- Ema nebe konduz kareta ka motor la tau asesoris (sapa matrikula, lampu sen, espelu) laiha, kontra kodigu Estrada artigu 61, sei multa multa 15$
- Ema nebe konduz kareta, motor no tumtum laiha karta kondusaun, laiha SIM, nee krimi ini, kontra kodigu penal artigu 207, sei tama komarka tinan rua, multa 30$, kada loron fo 50 centavos.
- Lei kodigu Estrada ne’e hamutuk 171 artigus
Hafoin explika tiha lei kodigu Estrada, artigu ho nia koimas, elementu seluk PNTL sei explika tan kona ba sinais transitus ba kandidatu 10o sira. Ne’e hotu tiha orientadores sira lori kandidatu sira mai iha liur hodi tuir atividade orientasaun hanesan, halo limpeza iha aredores da eskola nian.
Total provisoriu kandidatu 10o ano 293 pessoas, mane 115 pessoas, feto 178 pessoas, tamba registu sei kontinua la’o ba hirak ne’ebé mai tarde.
By prof EdoSantos’26
