Rai nakaras manu kokorek, loron hahu mosu mai
Leno raiklaran fo roman moris domin nian
Domin mosu iha individu ida-idak nia fuan
Sai husi ibun tutun hodi tatoli ba malu ha’u hadomi o
Domin ida ne’ebe kuda husi Na’i leten aas ba
Mosu tuir tempu determinadu
Tempu sei to’o hodi haburas ida-idak nia fuan
Fuan hahu nafuan halo asaun no reasaun
Reasaun klasiku versus reasaun modernu
Tempu klasiku pratika uluk mak foin teoria
Tempu modernu teoria uluk mak foin pratika
Hetan tiha rezultadu mak foin hakfodak
Domin tempu klasiku liu husi mantalin
Sein koinese malu, maibe metin tamba kesi metin ho lei tradisaun
Domin modernu, koinese malu liu husi medsos, sein mantalin
Goza uluk tiha, ikus mai bosan tiha, soe malu naba-naban
La’os soe malu deit, maibe soe mos fini domin
Husi rezultadu relasaun domin intimu 2159
Domin nurak, la tauk sala, ikus mai sei para
Iha tribunal domin rohan laek
Mak sei deside lialos, se mak sala, se mak loos?
Domin ne’e mak hanaran domin erros
Husi matan hateke ba isin kabeer
Halo asaun relasaun intimu 2159 tuir gostu
Sein teoria, sein mestri, mosu spontaneamente
Ikus rezultadu mosu mai sein responsabilidade.
By prof. EdoSantos’25
