Lospalos, 30 Marsu 2026 – ESG NKS Lospalos realiza enkontru ho inan-aman sira iha salaun enkontru eskola nian, ho objetivu atu diskute no informa kona-ba proposta instalasaun bee filtrazen no mos kona-ba hahalok ka karakter estudante sira.
Enkontru ne’e conduzidu husi Mr. Teófilo, no hala’o tuir ajenda ne’ebé temi ona iha konvite. Objetivu prinsipal enkontru ne’e mak atu fó informasaun ba inan-aman sira kona-ba planu instalasaun bee filtrazen no situasaun disiplina estudante sira nian.
Diretor ESG NKS Lospalos, Sr. Énio Amaral Lopes, iha abertura hato’o introdusaun kona-ba asuntu sira ne’ebé sei diskute. Nia esplika katak makina bee filtrazen ne’e apoiu husi Kompanhia Lotary Club liu husi doasaun Padre Salesiano sira. Uluk planu atu instala iha ita nia fatin, maibé tanba bee la tuir kriteria no fatin seidauk prepara, ikus mai deside muda fali ba instala iha ESG LAT Lospalos.
Nia mos hateten katak, folin makina ne’e to’o US$15.000, maibé eskola presiza prepara fatin atu monta. Tanba limitasaun orsamentu, eskola husu suporta husi inan-aman sira atu kontribui finanseiramente. Detallu kona-ba proposta ne’e sei esplika liu tan husi Presidente KIAR.
Iha parte seluk, Presidente KIAR (Konsellu Inan Aman Responsável Eskolar), Sr. Paulo, hateten katak problema eskola nian mak ita hotu responsabilidade. Nia esplika katak fatin atu instala makina bee filtrazen presiza halo konstrusaun ho medida 3x6x3 metru (largura 3 m, komprimentu 6 m no altura 3 m), ho estimasaun orsamentu hamutuk US$3.000.
Tanba la iha apoiu orsamentu husi governu ba konstrusaun refere, propoin atu inan-aman sira kontribui US$3 kada estudante ida, no professores sira kontribui US$5, atu bele realiza projetu ne’e.
Iha parte datoluk, Divizaun Alunos, Mr. Almerio, esplika kona-ba problema disiplina estudante sira durante períodu fulan tolu (Fevereiru to’o Abril). Nia hateten katak iha estudante balun ne’ebé la tuir regulamentu eskola, hodi hafoer eskola nia naran iha públiku.
Problema ne’ebé destaca mak uza telemóvel iha sala de aula hodi halo TikTok, haree filme ladiak, no grava mestre sira nia video no fotografia. Tanba hahalok grave balun, estudante sira balun transfere ona ba eskola seluk. Nune’e, eskola husu ba inan-aman sira atu eduka diak nia oan sira atu tuir regulamentu eskola nian.
Iha sesaun ikus (husu no hatan), inan-aman sira fó opiniaun kona-ba asuntu sira ne’e. Maski iha diferensa opiniaun, maioria konkorda atu kontribui US$3 kada estudante ida atu suporta instalasaun bee filtrazen refere.
I au mesmu tempu, deside mos katak inan-aman sira tenki partisipa iha kontrolu hahalok oan sira nian, no estudante sira tenki uza telemóvel tuir regra eskola nian, hanesan uza deit iha aula Tecnologia Multimédia nian, no labele uza ba atividade seluk.
Resumo Notísia
Lospalos, 30 Marsu 2026 – ESG NKS Lospalos realiza enkontru ho inan-aman sira atu diskute proposta instalasaun bee filtrazen no problema disiplina estudante sira.
Makina bee filtrazen ne’e apoiu husi Lotary Club ho valor US$15.000, maibé eskola presiza prepara fatin ho estimasaun US$3.000 dolar ital. Tan ne’e, inan-aman sira konkorda atu kontribui US$3 kada estudante ida, no professores US$5.
Iha enkontru ne’e mos diskute kona-ba hahalok estudante sira ne’ebé la tuir regulamentu, hanesan uza telemóvel iha sala laran, hodi halo fali TikTok no atividade sira seluk. Eskola husu ba inan-aman sira atu kontrola no eduka oan sira.
@@@******@@@
Versão Português
Escola Realiza Encontro com Pais sobre Projeto de Água Filtrada e Disciplina Escolar
Lospalos, 30 de março de 2026 – A Escola Secundária Geral Nino Konis Santana (ESG NKS) de Lospalos realizou um encontro com pais e encarregados de educação para abordar dois temas centrais: a implementação de um sistema de filtragem de água e a situação disciplinar dos estudantes.
Durante o encontro, a direção da escola informou que o equipamento de filtragem de água, avaliado em cerca de 15 mil dólares americanos, foi doado pelo Lotary Club, através dos Padres Salesianos. No entanto, a escola necessita de aproximadamente 3 mil dólares para a construção do espaço onde o sistema será instalado. Para o efeito, foi alcançado consenso quanto à contribuição de 3 dólares por estudante e 5 dólares por professor.
No que diz respeito à disciplina escolar, foram relatados vários casos de comportamentos inadequados por parte de estudantes, incluindo o uso individuo de telemóveis na sala de aula para fins não pedagógicos. A escola apelou à colaboração ativa dos pais na educação e supervisão dos seus filhos, reforçando a importância do cumprimento das normas internas.
O encontro terminou com um consenso geral entre os participantes, destacando a responsabilidade conjunta entre escola e famílias na melhoria das condições educativas e do comportamento dos estudantes.
(JPD – 2026), by prof.EdoSantos
