Lospalos, 28 novembro 2025
Komemorasaun 28 novembro 2025 nian iha Munusipiu Lautém ho nia tema “Que a celebração destes 50 anos do passado,nos assegure confiança no presente e esperança no futuro” ne’e katak, Ho Selebrasaun tinan 50 ne’e ita bele asegura konfiansa iha tempu agora, no iha esperansa ba future, ne’e la’o ho diak, tamba kolaborasaun hamutuk ho Ekipa Komisaun Organizadora ne’ebe lidera husi Sekretariu Municipio Assuntu Administrasaun no Finansa Sr.Fransisco dos Santos.
Iha komemorasaun ne’e sai nu’udar MC mak senhora nain rua husi Komisaun mak Sra.Zina no Sra.Zelia, sai nu’udar inspector da serimonia mak Ministro Petroleo Recurso Minerais Sr.Francisco Monteiro, Komandante Içar Bandeira mak Policia Sr.Mouzinho.
Ekipa Corpo Içar Bandeira Nacional mak Eskola Secundária Geral Lere Anan Timur Lospalos, no Corro mak Escola Secundária Geral Nino Konis Santana Lospalos. Nia treinadora mak profa Teresinha Espirito Santo no Agustina Saniba, pianista mak prof.Emiliano dos Santos. Enkuantu Ekipa Corpo Içar Bandeira Nacional nia treinador mak elementus PNTL munisipiu Lautém.
Iha eventu ida ne’e, ekipa hala’o nia kna’ar diak liu duke tinan kotuk, tan ne’e mak Sekretariu Municipal Assunto Desenvolvimento Sr.Tibursio dos Santos, fo agradecimento no apresiasaun barak ba sira. Atu nune’e sira sei bele responsabiliza nafatin tinan oin mai, iha loron 20 de maio no 28 novembro nian iha tinan 2026.
Iha fatin hanesan Presidente Autoridade Municipal de Lautém Sr. Mélio de Jesus, hato’o mos agradecimentu no apresiasaun ba ekipa Komisaun Organizadora ne’ebe lidera husi Secretraio Munisipal Assuntu Administrasaun e Finansa Sr. Francisco dos Santos, tamba ekipa sira hala’o sira nia kna’ar ho diak, liu-liu Corpo Içar Bandeira Nacional husi ESG LAT, no ekipa corro husi ESG NKS Lospalos.
Ekipa Corro no Corpo IBN hala’o treinamentu iha kampu 28 novembro nian, durante loron tolu hahu husi dia 25-27 novembro, hala’o treinamentu konjuntu ho ekipa parada sira. ESG NKS Lospalos apio mos Komisaun ho sira nia sound system, ne’ebe instala direta husi nia Director da Escola Sr.Énio Amaral Lopes ho nia ekipa.
To’o tempu 28 novembro nian, parte loraik iha mos motor cross no kalan hala’o animasaun iha palku musical hamutuk ho grupu local sira no mos grupu nasional balun hanesan Galaksi Band. Maibe tamba udan ne’e mak, motor cross sira deside hodi kontinua fali iha loron tuir mai dia 29 novembro.
Iha kalan enseramentu ne’e, komisaun mos harame hodi tiru fogetes ba lalehan hodi hafurak kalan enseramentu ne’e. Populasaun barak mak asiste eventu ne’e, no kontenti tebes tuir eventu ida ne’e.
Eskritor, prof EdoSantos’25
