Iha lalehan ida nia okos ne’ebé uluk nakukun
Iha fatuk kuak no ailaran fuik sira nia silensiu
Ema aten brani sira nia lian mosu
Falintil, o nia luta sira manas duni
Tamba domin ba rai Timor
Falintil, o luta la rende
La tauk mate maske ho udan kilat musan
La hakiduk maski o nia kanek sai azul
Ran fakar la saugati de’it
Falintil hamate moe
Hodi hetan liafuan independensia
Agora lalehan nia oin la namkurut ona
Bandeira nakdoko iha foho no tasi
Mai ita fo homenagem ba hirak ne’ebe manan
La’os tamba kilat iha sira liman, maibe…ho pregu tutun
Tamba domin ne’e
Nunka lakon ba rai doben Timor Leste
Obrigado Falintil Luta Na’in
Obrigado ba heroi verdadeiro
Tamba imi nia luta
Ami senti ár liberdade
By Vanessa
Finalista 12o ano CT-B
