Içar Bandeira Ikus ba Ano Eskolar 2025

Lospalos, 10 Novembru 2025

Eskola Secundária Geral Nino Konis Santana Lospalos, ohin dadersan segunda-feira, dia 10 novembro 2025, realiza içar bandeira nacional ikus, hodi taka Ano Eskolar 2025 nian.

Içar Bandeira Nacional ne’ebe hala’o iha Resintu Aredor Eskola ne’e, responsabiliza husi 11^o ano CT-B, no korru mistu selesaun husi 11^o no 10^o ano nian, ne’ebe prepara atu ba kanta iha dia 28 de novembro 2025 be mai. Nu’udar Inspetor da Serimonia mak Diretor da Eskola Sr. Énio Amaral Lopes.

Iha nia intervensaun Diretor fo asentuasaun ba pontus importantes balun mak tuir mai ne’e:

• Ba 10^o no 11^o ano atu prepara-an estuda didiak hdi hasoru exame pasagem de klasse.
• Lalika soe tempu iha semana ida ne’e laran, maibe buka haka’as atu estuda iha tempu badak nee nia laran.
• Pontos exame nian, ba CT 35 numeros, 30 escolha multipla, 5 números desenvolvimento, ba CSH 40 números, 35 números escolha multipla no 5 números desenvolvimento.
• Ba 10^o ano no 11^o ano semana kotuk dia 4 de novembro eskola tama fali ona, maibe balun sei feriadu hela.
• Loron ida imi sei husik eskola ida ne’e, la’os permanente, tan ne’e labele baruk mai eskola, tamba imi provisoriamente iha ne’e.
• Professores sira ne’ebe hanorin imi ho maneira oin-oin tamba imi nia future atu susesu.
• Ba 12^o ano, imi nia exame nacional no lokal htu ona, dia 12 de dezembro mak foin rona nia rezultadu, imi bele termina ka mantein nafatin iha ne’e.
• Ba ami mestre sira nia hakarak imi tenki akaba hotu, para kontinua imi nia future, susesu imi nian, susesu ita hotu nian, ita sei kontenti hotu.
• Mesmu imi exame hotu ona, imi tenki prepara-an atu hateke ba oin ba imi nia future, ohin loron imi hamrik iha ne’e, maibe tinan 5, 10, 20 mai tan imi mak sei lidera rai ida ne’e, hodi mai troka ami, iha munisipiu ida ne’e no eskola ida ne’e, imi tenki firme hodi realiza imi nia mehi.
• Ikus liu fo parabens ba 11^o ano CT-B ne’ebe responsabiliza ba içar bandeira ida ne’e, maski iha failansu uitaon, no mos fo hanoin ba korru mistu, tamba imi mak sei kanta iha dia 28 novembro be mai.

Hafoin Içar Bandeira Nacional, representante 12^o ano husi eis xefe Estudantil hato’o sira nia liafuan ikus, hodi husu deskulpa no obrigadu ba atividade aprendizagem nebe sira simu durante tinan tolu iha ne’e. Nune’e mos husi parte mestre sira hato’o husi Mr.Grilo hato’o lia agradesimentu ba estudante finalista sira, hodi hato’o mos deskulpa, ba estudante sira, karik mestre sira balun siak no liman naksalak ruma iha atividade prosesu aprendizagem durante tinan tolu iha ne’e.

Ikus mai finalista sira husi 443 estudantes ne’e, ne’ebe kala representante 40 ital estudantes ne’e, mai kaer liman ho mestre sira, sinal de agradecimentu no despedida nian, tamba orsida simu envelope hotu sei la hasoru malu tan.

Escritor: Ekipa Media JPD NKS Lospalos