Lospalos, 17 novembro 2025
Iha loron segunda-feira, dia 17 de novembro de 2025, estudantes sira husi ESG NKS Lospalos, hahú hala’o ezame pasajem klase AE-2025 ba 10o ano no 11o ano, tuir kalendáriu nasional ne’ebe realiza husi dia 17-22 de novembro de 2025 a nivel nasional.
Molok realiza exame terseiru periodu ida ne’e, estudantes sira hala’o limpeza iha ida-idak nia turma, hodi forma kadeira 36 kada sala, husi sala 1 to’o sala 24. Limpeza tiha sira simu kedas horariu, no haree kedas sira nia naran ne’ebe Komisaun Organizadora Exame nian taka iha kada sala de exame nian.
Tuir mai professores sira mos hala’o breefing, hodi koalia kona ba assuntu exame terseiru periodu nian. Breefing ne’e diriji husi Adjunto Diretor Sr.Tomas da Costa, no lidera husi Diretor da Eskola Sr.Énio Amaral Lopes. Iha nia intervensaun apela ba professores sira hotu katak, durante exame la’o, laiha ida mak lisensa, exeptu ba hirak ne’ebe moras, no balun ne’ebe kontinua ninia estudu iha Dili ka rai liur. Atividade refere hala’o loron tolu antes realiza exame terseiru periodu.
Tuir relatoriu Presidente Komisaun Organizadora Exame Terseiru Periodu nian Sr. Stefanus Mahu katak, tinan ida ne’e ita iha total estudantes sira ne’ebe tuir exame hamutuk 875 estudantes, 10o ano ho total 443 estudantes, kompostu husi CT 185 estudantes, no CSH 262 estudantes; klase 11o ano 432 estudantes, kompostu husi CT 180 estudantes, no CSH 252 estudantes, ne’ebe okupa sala exame 24.
Enkuantu horariu exame ba Terseiru Periodu nian mak hanesan tuir mai ne’e: Segunda-feira (17/11/25) Lingua Inglês, Biologia (CT), Sociologia (CSH), Lingua Indonesia; Tersa-feira (18/11/25) Lingua Português, Religião no Desporto; Quarta-feira (19/11/25) Educação Cívica, Matemática (CT) no Economia (CSH); Quinta-feira (20/11/25) Tecnologia Multimédia, Física (CT) no História (CSH); Sexta-feira (21/11/25) Lingua Tétum, Química (CT) no Geografia (CSH); Sábado (22/11/25) Geologia (CT) no Temas de Literatura e Cultura (CSH).
Husu ba kada professores ba kada matéria hodi halo koresaun iha uma depois de ninia matéria exame tiha, no liu semana ida mak foin entrega valor ba Komisaun Organizadora para passa iha leger, foin mak fo ba kada diretor da turma ida-idak hodi prenxe kaderneta, no ikus mai bele determina estudante refere pasa ka lae. No rezultadu sei simu kaderneta iha dia 12 de dezembro de 2025. Tenik presidente KOE akresenta tan.
Tuir observasaun eskritores exame terseiru periodu ne’e la’o ho diak, ho situasaun ne’ebe hakmatek, no ba estudantes hirak ne’be la tuir regulamentu mai apresenta-an iha office hafoin rejistu tiha, autoriza sira ba tuir exame, maibe ba loron tuir mai labele repete tan.
Eskritor: Ekipa JPD ESG NKS Lospalos.
