Lospalos, 7 outubro 2025
Iha salaun Enkontru ESG NKS Lospalos, realiza sosializasaun atu tama UNTL no Exame Nacional Ano Escolar 2025. Ne’ebe hato’o husi Adjunto director Sr.Tomas da Costa, ba estudantes finalistas sira atu sira prepara-an hodi hasoru Exame Nacional ne’ebe realiza iha dia 20-23 de outubro 2025.
Iha biban ida ne’e marka prezensa mos representante UNTL, iha sosializasaun refere atu fo informasaun klaru kona ba oinsa atu tama ba UNTL, ne’ebe sei esplika detalhu husi director adjunto.
Total finalista sira ne’ebe tuir mak 443 estudantes, husi CT 185 estudantes, no CSH 258 estudantes. Atu sira bele desidi sira nia future be mai tuir sira nia abilidade, nesesidade, no finansa suporta husi Inan aman nian.
Se la kontinua karik ba tuir deit formasaun sira ne’ebe SEFOPE fo tiha ona liu husi sosializasaun sira eskola, no feira ne’ebe sira hatudu iha GOR (Gedung Olah Raga) ou Jinajiu. Kona ba UNTL nian, ba hirak ne’ebe falta sei la iha oportunidade ba sira atu prenche formulario UNTL nian, hafoin simu rezultadu exame nacional nian.
Kona ba Exame Nacional adjunto director fo informasaun ba estudantes sira atu bele prenche didiak identidade lolos iha folha de resposta Exame Nacional nian, tamba kada tinan sempre prenche sala iha parte data moris nian, tau fali data exame nian.
Nune’e mos ba hirak ne’ebe nia naran hakerek sala, ou nia sexo mak muda ona mos, provisoriamente tuir lai ida ne’e, tamba ida ne’e mak tama ona sistema nacional. Se la tuir mak nia konsekuensia sei la passa iha exame nacional.
Sosializasaun ba asesu UNTL no Exame Nacional nian ne’e, halao durante loron tolu husi dia 7-9 de outubro de 2025, iha Salaun Enkontru Nino Konis Santana Lospalos.
Eskritor: Prof.EdoSantos’25
