JPD-ESG NKS Lospalos, 21 de maio de 2026 — Munisípiu Lautém selebrá ho solene no animadu tebes ba dala 24 Aniversáriu Restaurasaun Independénsia Repúblika Demokrátika Timor-Leste (20 de Maio 2002 – 20 de Maio 2026). Selebrasaun ne’e la’o ho susesu boot hodi lori tema nasionál: “Juntos Construiremos Uma Patria Cada Vez Mais Justa, Inclusiva e Resiliente”, ou “Hamutuk, Ita Konstrui Pátria Ida Ne’ebé Justa, Inkluziva no Reziliente Liután.”

Iha dadeer-san, tuku 08:30 to’o 10:30 OTL, serimónia solene Isar Bandeira Nasionál hala’o ho susesu boot iha Kampu 28 de Novembro, Lospalos.

Serimónia ne’e dirije deretamente husi Presidente Autoridade Munisipal (PAM) de Lautém, Sr. Mélio de Jesus, ne’ebé foti knaar nu’udar Inspetor da Cerimónia. Eventu boot ne’e organiza ho di’ak tebes husi Ekipa Protokolu Munisípiu Lautém.

Komponente importante sira ne’ebé halo kapaas serimónia dader nian mak hanesan:

• Korpu Isar Bandeira: Estudante sira husi ESTV (Eskola Secundária Técnica Vocasional) No. 2 Lospalos ne’ebé hatudu koordenasaun no disiplina aas.
• Ekipa Koru: Estudante sira husi ESG NKS Lospalos, ne’ebé dirije ho kapaas husi Profa. Teresinha M. Espírito Santo no akompaña husi Pianista Prof. Emiliano dos Santos.
• Sound System (Ekipa Protokolu): Kontrola no opera ho di’ak husi Diretór ESG NKS Lospalos, Sr. Énio Amaral Lopes ho nia ekipa téknika.
• Partisipantes: Parada ne’e foti husi forsa seguransa no sosiedade sivil, inklui PNTL, Seguransa Sivíl, Bombeiros, funsionáriu públiku sira, no estudante sira husi eskola (NKS, LAT, no CAFE) Lospalos.

Serimónia dadeer nian ne’e taka ho desfile parada furak husi partisipantes hotu ne’ebé tuir maski manas iha parte dadersan maibe la hamate sira nia espiritu nasionalismo.

Iha biban solene ne’e, halo trasnmisaun direta ba mensajen no diskursu ofisiál husi Presidente da Repúblika (PR) RDTL, fó foku boot ba vizaun transformasaun istórika Timor-Leste nian, liuliu hodi kompara dezenvolvimentu nasionál husi tinan 1975, 2002, to’o mai fali tinan 2026 ne’e.

Iha diskursu ne’ebé hato’o, Xefe Estadu subliña katak povu Timor-Leste tenke foti ulun aas tanba nasaun ne’e hatudu ona avansu ne’ebé signifikante tebes iha área hotu-hotu:

• Tinan 1975: Nu’udar tempu ne’ebé nakonu ho inserteza, ki’ak, no terus funu nian, ne’ebé povu seidauk bele goza naroman independénsia no dezenvolvimentu.
• Tinan 2002: Tempu ne’ebé Timor-Leste foin hamriik hikas husi zero (husi ruin laran) ho dezafiu boot oinsá atu harii fali instituisaun Estadu nian no infraestrutura báziku.
• Tinan 2026: Agora, liutiha tinan 24 nia laran, nasaun ne’e konsege transforma an ho mudansa boot tebes iha área edukasaun, saúde, infraestrutura, ekonomia, no estabilidade nasionál.

Presidente Repúblika husu ba sidadaun hotu, liuliu foin-sa’e sira iha Munisípiu Lautém, atu labele haluha pasadu maibé kontinua foti pasu ba orezonte foun hodi hamutuk harii pátria ida ne’ebé inkluziva no reziliente liután.

Bainhira serimónia formál remata, atividade kontinua ho fahe prémiu ba manán-na’in (juara) sira husi kampaunatu futsal no voleybal ne’ebé hala’o antes loron boot ne’e:

• Futsal Mane: ESG NKS Lospalos konsege sai Primeiru Lugar (Juara 1), Floriano Mario Amaral (12o ano CSH-C), nebe sai kapitaun no mos melhor markador.
• Voleybal Feto: ESG NKS Lospalos mós lori kbiit hodi sai Segundu Lugar (Juara 2), Maria Sonia Fernandes Xavier (12o ano CT-C), mak sai kapitaun ba volleyball feto nian.

Ksolok loron boot ne’e mós kontinua ho dansa tradisionál Tebe-tebe no múzika Disco ne’ebé anime komunidade no partisipantes sira mós haksolok hodi hein to’o parte loraik.

Iha parte loraik, tuku 04:50 OTL, serimónia hatun (arear) Bandeira Nasionál hala’o fali ho respeitu no solene boot, hodi marka mós katak selebrasaun ba loron boot ne’e remata ho dame.

Iha nia mensajen, Presidente Autoridade Munisipal (PAM), Sr. Mélio de Jesus, hato’o agradesimentu kle’an no apresiasaun aas ba ekipa partisipantes hotu, liuliu ba Korpu Isar Bandeira ne’ebé halo serimónia ne’e kapaas no lura, nune’e mós ba Ekipa Koru husi ESG NKS Lospalos ne’ebé lori lian furak hodi foti aas tasi-feton no maun-alun sira-nia sentimentu patriótiku.

Jornalista/Kobertura: Ekipa JPD (Prof. EdoSantos’26)

Versão Português

Celebração do 24.º Aniversário da Restauração da Independência em Lautém é um Sucesso

JPD-ESG NKS Lospalos, 21 de maio de 2026 — O Município de Lautém celebrou com solenidade e grande entusiasmo o 24.º Aniversário da Restauração da Independência da República Democrática de Timor-Leste (20 de Maio de 2002 – 20 de Maio de 2026). A celebração decorreu com enorme sucesso, sob o tema nacional: “Juntos Construiremos Uma Pátria Cada Vez Mais Justa, Inclusiva e Resiliente”.

Na parte da manhã, entre as 08h30 e as 10h30 (OTL), a cerimónia solene do Içar da Bandeira Nacional realizou-se com grande êxito no Campo 28 de Novembro, em Lospalos.

O evento foi presidido pelo Presidente da Autoridade Municipal (PAM) de Lautém, o Sr. Mélio de Jesus, que assumiu as funções de Inspetor da Cerimónia. Este grande ato oficial foi excelentemente organizado pela Equipa de Protocolo do Município de Lautém.

Os componentes principais que abrilhantaram a cerimónia matinal foram:

• Corpo do Içar da Bandeira: Alunos da ESTV (Escola Secundária Técnica Vocacional) N.º 2 de Lospalos, que demonstraram uma excelente coordenação e elevada disciplina.
• Grupo Coral: Alunos da ESG NKS de Lospalos, sob a brilhante dirigente da Teresinha M. Espírito Santo e acompanhado pelo pianista, o Prof. Emiliano dos Santos.
• Operação de Sistema de Som (equipa protocolo): Controlado com mestria pelo Diretor da ESG NKS de Lospalos, o Enio Amaral Lopes, e a sua equipa técnica.
• Participantes: O desfile contou com a forte presença das forças de segurança e da sociedade civil, incluindo a PNTL, Segurança Civil, Bombeiros, funcionários públicos e estudantes das escolas (NKS, LAT e CAFE) de Lospalos.

A cerimónia matinal encerrou com um belíssimo desfile em parada por parte de todos os participantes, mesmo com calor de sol mas não diminui o espirito nacionalismo deles.

Nesta ocasião solene, através da transmissão direta a mensagem e no discurso oficial do Presidente da República (PR) da RDTL, deu-se um grande destaque à visão da transformação histórica de Timor-Leste, estabelecendo uma comparação do desenvolvimento nacional entre os anos de 1975, 2002 e o presente ano de 2026.

No discurso proferido, o Chefe de Estado sublinhou que o povo timorense deve orgulhar-se, pois o país tem demonstrado um avanço significante em todas as áreas:

• Ano de 1975: Um período marcado pela incerteza, pobreza e pelo sofrimento da guerra, no qual o povo ainda não podia usufruir da luz da independência e do desenvolvimento.
• Ano de 2002: O momento em que Timor-Leste se reergueu do zero (a partir das cinzas), com o enorme desafio de reconstruir as instituições do Estado e as infraestruturas básicas.
• Ano de 2026: Atualmente, decorridos 24 anos, a nação conseguiu transformar-se com grandes mudanças nas áreas da educação, saúde, infraestruturas, economia e estabilidade nacional.

O Presidente da República apelou a todos os cidadãos, especialmente aos jovens do Município de Lautém, para que não esqueçam o passado, mas que continuem a dar passos em direção a novos horizontes, construindo juntos uma pátria cada vez mais inclusiva e resiliente.

Após o término dos atos formais, o programa prosseguiu com a entrega de prémios aos vencedores dos torneios de futsal e voleibol realizados em alusão à data:

• Futsal Masculino: A equipa da ESG NKS de Lospalos consagrou-se a grande Campeão (1.º Lugar), Floriano Mario Amaral (12o ano CSH-C), como capitão e tambem melhor marcador.
• Voleibol Feminino: A ESG NKS de Lospalos alcançou também uma excelente prestação, arrecadando o 2º Lugar. Maria Sonia Fernandes Xavier (12o ano CT-C), como capitão de volleyball feemenina.

A festa popular continuou ao longo de todo o dia com a tradicional dança do Tebe-tebe e animação de Discoteca, que contagiaram a comunidade e os participantes até ao final da tarde.

Ao final do dia, precisamente às 16h50 (OTL), procedeu-se à cerimónia do Arrear da Bandeira Nacional com o devido respeito e solenidade, marcando o encerramento pacífico das celebrações deste dia histórico.

Na sua mensagem de encerramento, o Presidente da Autoridade Municipal (PAM), Sr. Mélio de Jesus, expressou o seu profundo agradecimento e elevado louvor a todas as equipas participantes, com especial destaque para o Corpo do Içar da Bandeira pela dignidade demonstrada, bem como ao Grupo Coral da ESG NKS de Lospalos pela excelente atuação que elevou o espírito patriótico de todos os presentes.

Jornalista/Cobertura: Equipa JPD (Prof. EdoSantos’26)