JPD-ESG NKS LOSPALOS — 16 juñu 2026, Sekretáriu Estadu Igualdade (SEI) servisu hamutuk ho Eskola Sekundária Jerál (ESG) NKS Lospalos, realiza formasaun durante loron rua (15-16 Juñu 2026) kona-ba Violénsia Bazeia ba Jéneru (VBJ), Kontra Lei Violénsia Doméstika (KLVD), Asédiu Seksuál, no Lei Protesaun ba Labarik. Formasaun ne’e hala’o iha Salaun Enkontru ESG NKS Lospalos, ho total formandos estudantes 35.

Iha serimónia abertura, formasaun ne’e loke ofisiálmente husi Reprezentante Prezidente Autoridade Munisipál (PAM) Lautém, ne’ebé reprezenta husi Diretór Ajénsia Fiskalizasaun, Sr. Agostinho dos Santos. Partisipa mós Reprezentante Diretór ESG NKS Lospalos, Mr. Emiliano dos Santos, no Polísia Vulnerable Person Unit (VPU), Sr. Gil, hamutuk ho formadór sira husi SEI.

Reprezentante Diretór ESG NKS Lospalos, Mr. Emiliano dos Santos, iha nia deskursu bem-vindu, hateten katak eskola ne’e iha totál estudante hamutuk 1,120 resin, maibé feto mak domina liu porsentu boot.

“Iha kada aula, estudante hamutuk 40 to’o 50 resin mak domina husi feto, no porsentu 10 de’it mak mane, entre palla na’in 5 to’o 10. Ne’e hatudu katak la iha balansu igualdade,” tenik Mr. Emiliano.

Nia mós rekoñese katak kazu VBJ no asédiu seksuál akontese duni iha aredór eskola nian, maski kazu kamaan, no balu relata ona ba polísia hodi halo investigasaun. Mr. Emiliano husu ba estudante na’in 35 (husi tinan 10º, 11º, no 12º) ne’ebé sai partisipante atu aproveita formasaun ne’e hodi hatene oinsá prevene no sees-an husi risku iha futuru.

Iha fatin hanesan, Reprezentante PAM Lautém, Sr. Agostinho dos Santos, fó hanoin ba estudante sira katak formasaun ne’e hanesan oportunidade hodi dezenvolve-an atu labele sai bareira ba sira-nia futuru.

“Tempu uluk feto la sai lider, maibe agora feto mós bele sai lider, sai PNTL, FDTL, no hahú lidera ona iha fatin oioin,” tenik Sr. Agostinho.

Treinamentu ne’ebé la’o durante loron rua ne’e fahe ba faza rua. Iha loron primeiru, Sra. Leozita (Formadora SEI) koalia kona-ba diferensa entre VBJ no igualdade jéneru, kontinua husi Sr. Gil (PNTL/VPU) ne’ebé fó formasaun kona-ba VBJ ho kazu danu agravadu ne’ebé kontra artigu sira iha Konstituisaun no Dekretu Lei PNTL nian.

Iha loron segundu, Sr. Bonifacio (Formadór SEI) foka liu ba matéria violasaun seksuál nian, no formadora segundu husi MSSI, Sra. Leticia, foka liu ba matéria VBJ ho asaun konkreta.

Iha serimónia taka nian, Mr. Emiliano dos Santos hato’o ninia agradesimentu no husu ba estudante sira atu lori koñesimentu ne’e nu’udar bukae, liuliu ba sira ne’ebé aban-bairua atu kontinua estudu iha Dili, hodi bele prevene-an husi violénsia.

“Siénsia ne’e hanesan ar livre ne’ebé nakonu iha atmosfera. Sé mak prepara nia fatin, nia mak sei hetan barak,” Mr. Emiliano haktuir.

Versão Português

SEI Realiza Formação de Dois Dias para Estudantes da ESG NKS Lospalos sobre VBG e Proteção de Crianças

JPD-ESG NKS LOSPALOS — 16 de junho de 2026, A Secretaria de Estado da Igualdade (SEI), em parceria com a Escola Secundária Geral (ESG) NKS Lospalos, realizou uma formação de dois dias (15 e 16 de junho 2026) sobre “Violência Baseada no Género (VBG), Contra a Lei Violência Doméstica (KLVD), Assédio Sexual e a Lei de Proteção de Crianças”. A atividade decorreu no Salão de Encontros da referida escolar, com o total de formandos 35 estudantes.

Na cerimónia de abertura, a formação foi aberturada oficialmente pelo Representante do Presidente da Autoridade Municipal (PAM) de Lautém, o Diretor da Agência de Fiscalização, Sr. Agostinho dos Santos. O evento contou também com a presença do Representante do Diretor da ESG NKS Lospalos, Mr. Emiliano dos Santos, e do representante da Unidade de Pessoas Vulneráveis (VPU) da PNTL, Sr. Gil Pereira, além dos formadores da SEI (Leozita e Bonifacio).

O Representante do Diretor da ESG NKS Lospalos, Mr. Emiliano dos Santos, no seu discurso de boas-vindas, informou que a escola conta atualmente com um total de mais de 1.120 estudantes, destacando que a população estudantil é maioritariamente feminina.

“Em cada sala de aula, que comporta entre 40 a 50 alunos, a presença é dominada por mulheres, sendo que os homens representam apenas 10 por cento, cerca de 5 a 10 rapazes por turma. Isto demonstra que ainda não há um equilíbrio na igualdade”, afirmou Mr. Emiliano.

O responsável reconheceu ainda que casos de VBG e de assédio sexual têm ocorrido nos arredores da escola, embora sejam situações consideradas leves, algumas já foram encaminhadas à polícia para investigação. Mr. Emiliano apelou aos 35 estudantes participantes (do 10º, 11º e 12º ano) que aproveitem ao máximo estes dois dias de formação para aprenderem a prevenir e a protegerem-se de eventuais riscos no futuro.

Na mesma ocasião, o Representante do PAM de Lautém, Sr. Agostinho dos Santos, sublinhou que a formação é uma oportunidade crucial para o desenvolvimento pessoal dos jovens, evitando barreiras no seu percurso.

“No passado, as mulheres não assumiam cargos de liderança, mas hoje em dia a mulher também pode ser líder, integrar a PNTL, as F-FDTL e já começa a liderar em vários setores”, destacou o Sr. Agostinho.

O programa de capacitação de dois dias foi dividido em duas fases. No primeiro dia, a Sra. Leozita (Formadora da SEI) abordou a diferença entre a VBG e a igualdade de género, seguida pelo Sr. Gil (PNTL/VPU), que palestrou sobre a VBG e os casos de danos agravados contra os artigos da Constituição e o decreto-lei da PNTL.

No segundo dia, o Sr. Bonifácio (Formador da SEI) focou a sua intervenção na questão da violação sexual, enquanto a segunda formadora, Sra. Letícia (representante do MSSI), centrou-se na VBG com foco em ações concretas.

Na cerimónia de encerramento, Mr. Emiliano dos Santos expressou o seu agradecimento e exortou os estudantes a levarem este conhecimento como uma “bagagem” para o futuro, especialmente para aqueles que pretendem continuar os estudos em Díli, de modo a prevenirem-se contra este tipo de violência.

“A ciência é como o ar livre que preenche a atmosfera. Quem preparar o seu espaço, mais irá absorver”, concluiu Mr. Emiliano.

Pela Equipa JPD (prof.EdoSantos)